ອອກແຮງ ແຂ່ງຂັນສ້າງຜົນງານ ເພື່ອຂຳ່ນັບຮັບຕ້ອນກອງປະຊຸມໃຫຍ່ ຄັ້ງທີ III ຂອງອົງຄະນະພັກກະຊວງການຕ່າງປະເທດ ແລະ ຄະນະພົວພັນຕ່າງປະເທດສູນກາງພັກ! ຢ່າງຕັ້ງໜ້າ !          ຊົມເຊີຍວັນການທູດລາວ ຄົບຮອບ 70 ປີ 12 ຕຸລາ 1945 - 12 ຕຸລາ 2015 ຢ່າງສຸດໃຈ! ສືບຕໍ່ປະຕິບັດນະໂຍບາຍການຕ່າງປະເທດ ສັນຕິພາບ ເອກະລາດ ມິດຕະພາບ ແລະ ການຮ່ວມມືຢ່າງສະເໝີຕົ້ນສະເໝີປາຍ          ຊົມເຊີຍ! ວັນສະຖາປະນາ ສາທາລະນະລັດ ປະຊາທິປະໄຕ ປະຊາຊົນລາວ ຄົບຮອບ 40 ປີ 2 ທັນວາ 1975- 2 ທັນວາ 2015          ອອກແຮງຮ່ວມກັນເສີມຂະຫຍາຍມູນເຊື້ອອັນດີງາມ ເພື່ອກະກຽມເປັນປະທານໝູນວຽນອາຊຽນ ໃນປີ 2016
a
ເຊື່ອມຕໍ່ເວັບໄຊພາຍໃນລາວ
Links
Lao Government
Law Project
UN
Lao PDR Trade Portal

ການສະເຫຼີມສະຫຼອງວັນສະຖາປະນາ ສປປ ລາວ ຄົບຮອບ 40 ປີ ຂອງສະຖານເອກອັກຄະລັດຖະທູດ/ ສໍານັກງານຜູ້ຕາງໜ້າຖາວອນ ແຫ່ງ ສປປ ລາວ ທີ່ ນະຄອນຫຼວງວຽນ, ປະເທດ ໂອຕຣິດ.

 

ໃນຕອນແລງວັນທີ 20 ພະຈິກ 2015, ທີ່ ນະຄອນຫຼວງວຽນ, ປະເທດ ໂອຕຣິດ,ສະຖານເອກອັກຄະລັດຖະທູດ/ສໍານັກງານຜູ້ຕາງໜ້າຖາວອນແຫ່ງ ສປປ ລາວ ໄດ້ຈັດພິທີສະເຫຼີມສະຫຼອງວັນສະຖາປະນາ ສປປ ລາວ ຄົບຮອບ 40 ປີ ຂຶ້ນຢ່າງສົມກຽດ, ໂດຍທ່ານ ພູເຂົາ ພົມມະວົງສາ, ເອກອັກຄະລັດຖະທູດ/ຜູ້ຕາງໜ້າຖາວອນແຫ່ງ ສປປ ລາວ, ຕາງໜ້າໃຫ້ແກ່ລັດຖະບານ ແຫ່ງ ສປປ ລາວ ເປັນເຈົ້າພາບຈັດພິທີຂຶ້ນ ໂດຍມີ ທ່ານ ດຣ. ພວງປາຣິສັກ ປາວົງວຽງຄໍາ, ລັດຖະມົນຕີຊ່ວຍວ່າການກະຊວງກະສິກໍາ ແລະ ປ່າໄມ້; ແຂກຖືກເຊີນຈາກກະຊວງກ່ຽວຂ້ອງ, ບັນດາເອກອັກຄະລັດຖະທູດ, ນັກການທູດ, ບັນດານັກທຸລະກິດ, ຄົນເຊື້ອຊາດລາວ ແລະ ນັກສຶກສາລາວຈາກປະເທດ ຮົງກາລີ, ສະໂລວາກີ, ສະໂລເວນີ, ບັນດາຜູ້ຕາງໜ້າອົງການຈັດຕັ້ງສາກົນ ຢູ່ອົງການສະຫະປະຊາຊາດ ແລະ ກົງສູນກິດຕິມະສັກ ແຫ່ງ ສປປ ລາວ ປະຈໍາໂອຕຣິດ, ສະໂລວາກີ ແລະ ສ.ເຊັກ ແລະ ແຂກທີ່ຖືກເຊີນອື່ນໆເຂົ້າຮ່ວມປະມານ 300 ຄົນ.

ໃນພິທີ່ສະເຫຼີມສະຫຼອງວັນອັນສະຫງ່າລາສີ ມີຄວາມໝາຍຄວາມສໍາຄັນນີ້, ທ່ານ ພູເຂົາ ພົມມະວົງສາ ໄດ້ຂຶ້ນກ່າວປົດປາໃສ ໂດຍຊີ້ໃຫ້ເຫັນເຖີງຄວາມໝາຍຄວາມສໍາຄັນຂອງ ວັນສະຖາປະນາ ສປປ ລາວ ໃນວັນທີ 2 ທັນວາ 1975, ໂດຍສະເພາະຢ່າງຍິ່ງ ແມ່ນໄຊຊະນະອັນຍິ່ງໃຫຍ່ ແລະ ເປັນປະຫວັດສາດ ພາຍໃຕ້ການນໍາພາຂອງພັກ ປປລາວ ຊຶ່ງມີ ທ່ານປະທານໄກສອນ ພົມວິຫານ ຜູ້ນໍາທີ່ແສນເຄົາລົບຮັກ ເປັນຜູ້ຈັດຕັ້ງແລະນໍາພາການປະຕິວັດປົດປ່ອຍປະເທດຊາດ ຈົນໄດ້ຮັບໄຊຊະນະຢ່າງສົມບູນ ແລະ ເປີດສັງກາດໃໝ່ແຫ່ງການປົກປັກຮັກສາແລະສ້າງສາປະເທດຊາດ ໄປສູ່ຄວາມວັດທະນາຖາວອນ. ນອກຈາກນັ້ນ, ໃນບົດປາໃສ ຍັງໄດ້ກ່າວເຖິງຜົນງານທີ່ຍາດມາໄດ້ຂອງ ສປປລາວ ພາຍໃຕ້ການນໍາພາຂອງພັກ ແລະ ລັດຖະບານ ສປປລາວ ຕະຫລອດໄລຍະ 40 ປີ ທີ່ຜ່ານມາ ແລະ ການສືບຕໍ່ນະໂຍບາຍການພັດທະນາເສດຖະກິດ-ສັງຄົມ ແລະ ການຕ່າງປະເທດໃນຊຸມປີຕໍ່ໜ້າຂອງ ລັດຖະບານແຫ່ງ ສປປລາວ.

ໃນຕອນທ້າຍ, ທ່ານເອກອັກຄະລັດຖະທູດ ໄດ້ສະແດງຄວາມຂອບອົກຂອບໃຈການສະໜັບສະໜູນຊ່ວຍເຫລືອຂອງບັນດາປະເທດເພື່ອນມິດໃນຂົງເຂດນີ້ (12 ປະເທດ ທີ່ສະຖານທູດຮັບຜິດຊອບ) ແລະ ອົງການຈັດຕັ້ງ ສປຊ ທີ່ນະຄອນຫລວງວຽນ ທີ່ໄດ້ໃຫ້ການສະໜັບສະໜູນ ແລະ ຊ່ວຍເຫລືອ ສປປລາວ ທາງດ້ານການເມືອງ, ເສດຖະກິດ ແລະ ການສຶກສາ ແລະ ດ້ານອື່ນໆ ຕະຫລອດໄລຍະທີ່ຜ່ານມາ, ເປັນຕົ້ນ: ນັບແຕ່ການສ້າງຕັ້ງ ສະຖານທູດ/ສໍານັກງານຜູ້ຕາງໜ້າຖາວອນແຫ່ງ ສປປລາວ (2010) ເປັນຕົ້ນມາ ປະເທດໂອຕຣິດ ໄດ້ໃຫ້ການຊ່ວຍເຫລືອກູ້ຢືມດອກເບ້ຍຕໍ່າ ຫລາຍກວ່າ 150 ລ້ານເອີໂຣ, ປະເທດຮົງກາຣີ 60 ລ້ານໂດລາ ແລະ ໃຫ້ທຶນການສຶກສາ (ສົກປີ 2014-2015 ປະມານ 30 ທຶນ ແລະ ສົກປີ 2016-2017 ປະມານ 50 ທຶນ), ອົງການ OFID ປະມານ 35 ລ້ານໂດລາ....

ໃນພິທີດັ່ງກ່າວນີ້, ສະຖານທູດ ຍັງໄດ້ຈັດໃຫ້ມີການສາຍວີດີໂອທີ່ໄດ້ຄັດຈ້ອນເອົາຜົນສໍາເລັດການພັດທະນາເສດຖະກິດ-ສັງຄົມ ຕະຫລອດໄລຍະ 40 ທີ່ຜ່ານມາ ແລະ ວີເດໂອການໂຄສະນາສະຖານທີ່ທ່ອງທ່ຽວ ສປປລາວ.

ພິທີການສະເຫຼີມສະຫຼອງວັນສະຖາປະນາ ສປປ ລາວ ຄົບຮອບ 40 ປີ ທີ່ນະຄອນຫລວງວຽນ ແມ່ນດຳເນີນໄປດ້ວຍບັນຍາກາດອັນຟົດຟື້ນ, ອົບອຸ່ນ, ສະໜິດສະໜົມ ແລະ ເຕັມໄປດ້ວຍຄວາມໝາຍສຳຄັນ. ພ້ອມດຽວກັນນັ້ນ, ສະຖານທູດ ໄດ້ຈັດໃຫ້ມີອາຫານລາວ ແລະ ອາຫານໂອຕຣິດ ປະກອບກັບເບຍລາວ (ສະໜັບສະໜູນໂດຍບໍລິສັດເບຍລາວ) ແລະ ກາເຟລາວ ເຊິ່ງບັນດາແຂກທີ່ເຂົ້າຮ່ວມ ໄດ້ສະແດງຄວາມຊົມເຊີຍເປັນພິເສດຕໍ່ຜົນສໍາເລັດການຈັດງານໃນຄັ້ງນີ້. ພ້ອມດຽວກັນນັ້ນ, ສະຖານທູດ ໂດຍການປະສານສົມທົບກັບກະຊວງການຕ່າງປະເທດສະໂລວາກີ ແລະ ກົງສຸນກິດຕິມະສັກແຫ່ງ ສປປລາວ ປະຈໍາປະເທດສະໂລວາກີ ຈະພ້ອມກັນຈັດງານສະເຫລີມສະຫລອງວັນຊາດ ຕື່ມອີກໃນວັນທີ 2 ທັນວາ 2015 ທີ່ນະຄອນຫລວງບຣາຕິດສະລາວາ, ປະເທດສະໂລວາກີ.

 

ບົດຂ່າວອື່ນໆທີ່ກ່ຽວຂ້ອງ

a
ແຈ້ງການ
  1. ແຈ້ງການ1
  2. ແຈ້ງການ2
aaa

Contact Us

Embassy/Permanent Mission of the LAO People's Democratic Republic in Vienna-Austria

Sommerhaidenweg43,

1180 Wien

Tel: 0043 1890231911

Fax: 0043 1890231915

Working Hours:

Monday-Thursday

09:00 am-12:00 pm

14:00 pm- 16:30 pm

Friday: 09:00am-12:00pm

E-mail: This email address is being protected from spambots. You need JavaScript enabled to view it.

 

Lao Government
40 years
70 years
a
ຈຳນວນຜູ້ເຂົ້າຊົມ
83754
ມື້ນີ້41
ມື້ວານ154
ອາທິດນີ້908
ເດືອນນີ້2811