ອອກແຮງ ແຂ່ງຂັນສ້າງຜົນງານ ເພື່ອຂຳ່ນັບຮັບຕ້ອນກອງປະຊຸມໃຫຍ່ ຄັ້ງທີ III ຂອງອົງຄະນະພັກກະຊວງການຕ່າງປະເທດ ແລະ ຄະນະພົວພັນຕ່າງປະເທດສູນກາງພັກ! ຢ່າງຕັ້ງໜ້າ !          ຊົມເຊີຍວັນການທູດລາວ ຄົບຮອບ 70 ປີ 12 ຕຸລາ 1945 - 12 ຕຸລາ 2015 ຢ່າງສຸດໃຈ! ສືບຕໍ່ປະຕິບັດນະໂຍບາຍການຕ່າງປະເທດ ສັນຕິພາບ ເອກະລາດ ມິດຕະພາບ ແລະ ການຮ່ວມມືຢ່າງສະເໝີຕົ້ນສະເໝີປາຍ          ຊົມເຊີຍ! ວັນສະຖາປະນາ ສາທາລະນະລັດ ປະຊາທິປະໄຕ ປະຊາຊົນລາວ ຄົບຮອບ 40 ປີ 2 ທັນວາ 1975- 2 ທັນວາ 2015          ອອກແຮງຮ່ວມກັນເສີມຂະຫຍາຍມູນເຊື້ອອັນດີງາມ ເພື່ອກະກຽມເປັນປະທານໝູນວຽນອາຊຽນ ໃນປີ 2016
a
ເຊື່ອມຕໍ່ເວັບໄຊພາຍໃນລາວ
Links
Lao Government
Law Project
UN
Lao PDR Trade Portal

ສະຖານເອກອັກຄະລັດຖະທູດ/ສໍານັກງານຜູ້ຕາງໜ້າຖາວອນແຫ່ງສປປ ລາວ ຮ່ວມກັບສໍານັກງານກົງສູນກິດຕິມະສັກ ໄດ້ຈັດພິທີສະເຫຼີມສະຫຼອງວັນສະຖາປະນາ ສປປ ລາວ ຄົບຮອບ 40 ປີຂຶ້ນ ທີ ນະຄອນຫຼວງບຣາຕິດສະລາວາ, ປະເທດ ສະໂລວາກີ

ໃນຕອນແລງວັນທີ 2 ທັນວາ 2015 ຜ່ານມານີ້, ທີ່ ນະຄອນຫຼວງບຣາຕິດສະລາວາ, ປະເທດ ສະໂລວາກີ, ສະຖານເອກອັກ ຄະລັດຖະທູດ/ສໍານັກງານຜູ້ຕາງໜ້າຖາວອນແຫ່ງ ສປປ ລາວ ຮ່ວມກັບສໍານັກງານກົງສູນກິດຕິມະສັກ ໄດ້ຈັດພິທີສະເຫຼີມສະ ຫຼອງວັນສະຖາປະນາ ສປປ ລາວ ຄົບຮອບ 40 ປີ ຂຶ້ນຢ່າງສົມກຽດ, ເຂົ້າຮ່ວມພິທີດັ່ງກ່າວຍັງມີ ທ່ານ ພູເຂົາ ພົມມະວົງສາ, ເອກອັກຄະລັດຖະທູດ/ຜູ້ຕາງໜ້າຖາວອນແຫ່ງ ສປປ ລາວ, ປະຈໍາປະເທດ ສາທາລະນະລັດ ສະໂລວາກີ, ທ່ານ ບູນທອງ ບູນທອງ, ກົງສູນກິດຕິມະສັກ ປະຈໍາ ສະໂລວັກກີ, ເປັນເຈົ້າພາບຈັດພິທີຂຶ້ນ ໂດຍມີ ທ່ານ ດຣ. ບຸນທະວີ ສີສຸພັນທອງ, ລັດຖະມົນຕີຊ່ວຍວ່າການກະຊວງແຜນການ ແລະ ການລົງທຶນ; ແຂກຖືກເຊີນຈາກກະຊວງກ່ຽວຂ້ອງ, ບັນດາເອກອັກຄະລັດຖະທູດ, ນັກການ ທູດ, ບັນດານັກທຸລະກິດ, ຄົນເຊື້ອຊາດລາວ, ກົງສູນກິດຕິມະສັກຂອງບັນດາປະເທດຕ່າງໆ ປະຈໍາ ສະໂລວາກີ ແລະ ແຂກເພື່ອນມິດທີ່ຖືກເຊີນອື່ນໆເຂົ້າຮ່ວມປະມານ 200 ຄົນ.

ໃນພິທີ່ສະເຫຼີມສະຫຼອງວັນອັນສະຫງ່າລາສີ ມີຄວາມໝາຍຄວາມສໍາຄັນນີ້, ທ່ານ ພູເຂົາ ພົມມະວົງສາ ໄດ້ຂຶ້ນກ່າວປົດປາໃສ ໂດຍຊີ້ໃຫ້ເຫັນເຖີງຄວາມໝາຍຄວາມສໍາຄັນຂອງ ວັນສະຖາປະນາ ສປປ ລາວ ໃນວັນທີ 2 ທັນວາ 1975, ໂດຍສະເພາະຢ່າງຍິ່ງ ແມ່ນໄຊຊະນະອັນຍິ່ງໃຫຍ່ ແລະ ເປັນປະຫວັດສາດ ພາຍໃຕ້ການນໍາພາຂອງພັກ ປປລາວ ຊຶ່ງມີ ທ່ານປະທານໄກສອນ ພົມວິຫານ ຜູ້ນໍາທີ່ແສນເຄົາລົບຮັກ ເປັນຜູ້ຈັດຕັ້ງແລະນໍາພາການປະຕິວັດປົດປ່ອຍປະເທດຊາດ ຈົນໄດ້ຮັບໄຊຊະນະຢ່າງສົມບູນ ແລະ ເປີດສັງກາດໃໝ່ແຫ່ງການປົກປັກຮັກສາແລະສ້າງສາປະເທດຊາດ ໄປສູ່ຄວາມວັດທະນາຖາວອນ. ນອກຈາກນັ້ນ, ໃນບົດປາໃສ ຍັງໄດ້ກ່າວເຖິງຜົນງານທີ່ຍາດມາໄດ້ຂອງ ສປປລາວ ພາຍໃຕ້ການນໍາພາຂອງພັກ ແລະ ລັດຖະບານ ສປປລາວ ຕະຫລອດໄລຍະ 40 ປີ ທີ່ຜ່ານມາ ແລະ ການສືບຕໍ່ນະໂຍບາຍການພັດທະນາເສດຖະກິດ-ສັງຄົມ ແລະ ການຕ່າງປະເທດໃນຊຸມປີຕໍ່ໜ້າຂອງ ລັດຖະບານແຫ່ງ ສປປລາວ.

ໃນຕອນທ້າຍ, ທ່ານເອກອັກຄະລັດຖະທູດ ໄດ້ສະແດງຄວາມຂອບອົກຂອບໃຈຕໍ່ລັດຖະບານ ແລະ ປະຊາຊົນ ສະໂລວາກີ ທີ່ໄດ້ສະໜັບສະໜູນ ສປປ ລາວ ຕະຫຼອດໄລຍະການຕໍ່ສູ້ປົດປ່ອຍຊາດ ແລະ ການປົກປັກຮັກສາ ແລະ ສ້າງສາປະເທດຊາດ, ສອງປະເທດຍັງໄດ້ແລກປ່ຽນຄະນະຜູ້ແທນຂັ້ນສູງນໍາກັນຢ່າງເປັນປົກກະຕິ, ບັນດານັກທຸລະກິດ ສະໂລວາກີ ຊື່ງໄດ້ເດີນທາງມາ ສປປ ລາວ ເພື່ອສືບຕໍ່ຊອກຊ່ອງທາງການຮ່ວມມື ແລະ ລົງທຶນຢູ່ ສປປ ລາວ.

ພິທີການສະເຫຼີມສະຫຼອງວັນສະຖາປະນາ ສປປ ລາວ ຄົບຮອບ 40 ປີ ທີ່ນະຄອນຫລວງບຣາຕິດສະລາວາ ແມ່ນດຳເນີນໄປດ້ວຍບັນຍາກາດອັນຟົດຟື້ນ, ອົບອຸ່ນ, ສະໜິດສະໜົມ ແລະ ເຕັມໄປດ້ວຍຄວາມໝາຍສຳຄັນ. ພ້ອມດຽວກັນນັ້ນ, ສະຖານທູດ ໄດ້ຈັດໃຫ້ມີອາຫານລາວ ແລະ ອາຫານສະໂລວາກີ ປະກອບກັບເບຍລາວ (ສະໜັບສະໜູນໂດຍບໍລິສັດເບຍລາວ) ເຊິ່ງບັນດາແຂກທີ່ເຂົ້າຮ່ວມ ໄດ້ສະແດງຄວາມຊົມເຊີຍເປັນພິເສດຕໍ່ຜົນສໍາເລັດການຈັດງານໃນຄັ້ງນີ້.

ບົດຂ່າວອື່ນໆທີ່ກ່ຽວຂ້ອງ

a
ແຈ້ງການ
  1. ແຈ້ງການ1
  2. ແຈ້ງການ2
aaa

Contact Us

Embassy/Permanent Mission of the LAO People's Democratic Republic in Vienna-Austria

Sommerhaidenweg43,

1180 Wien

Tel: 0043 1890231911

Fax: 0043 1890231915

Working Hours:

Monday-Thursday

09:00 am-12:00 pm

14:00 pm- 16:30 pm

Friday: 09:00am-12:00pm

E-mail: This email address is being protected from spambots. You need JavaScript enabled to view it.

 

Lao Government
40 years
70 years
a
ຈຳນວນຜູ້ເຂົ້າຊົມ
83748
ມື້ນີ້35
ມື້ວານ154
ອາທິດນີ້902
ເດືອນນີ້2805