ອອກແຮງ ແຂ່ງຂັນສ້າງຜົນງານ ເພື່ອຂຳ່ນັບຮັບຕ້ອນກອງປະຊຸມໃຫຍ່ ຄັ້ງທີ III ຂອງອົງຄະນະພັກກະຊວງການຕ່າງປະເທດ ແລະ ຄະນະພົວພັນຕ່າງປະເທດສູນກາງພັກ! ຢ່າງຕັ້ງໜ້າ !          ຊົມເຊີຍວັນການທູດລາວ ຄົບຮອບ 70 ປີ 12 ຕຸລາ 1945 - 12 ຕຸລາ 2015 ຢ່າງສຸດໃຈ! ສືບຕໍ່ປະຕິບັດນະໂຍບາຍການຕ່າງປະເທດ ສັນຕິພາບ ເອກະລາດ ມິດຕະພາບ ແລະ ການຮ່ວມມືຢ່າງສະເໝີຕົ້ນສະເໝີປາຍ          ຊົມເຊີຍ! ວັນສະຖາປະນາ ສາທາລະນະລັດ ປະຊາທິປະໄຕ ປະຊາຊົນລາວ ຄົບຮອບ 40 ປີ 2 ທັນວາ 1975- 2 ທັນວາ 2015          ອອກແຮງຮ່ວມກັນເສີມຂະຫຍາຍມູນເຊື້ອອັນດີງາມ ເພື່ອກະກຽມເປັນປະທານໝູນວຽນອາຊຽນ ໃນປີ 2016
a
ເຊື່ອມຕໍ່ເວັບໄຊພາຍໃນລາວ
Links
Lao Government
Law Project
UN
Lao PDR Trade Portal

ປະທານສະພາແຫ່ງຊາດ ຢ້ຽມຢາມສັນຖະວະໄມຕີ ສ ຮົງກາຣີ ຢ່າງເປັນທາງການ

 

     ໂດຍຕອບສະໜອງ ຕາມຄໍາເຊື້ອເຊີນຂອງ ທ່ານ ໂກເວີ ລາຊໂລ ປະທານສະພາແຫ່ງຊາດ ສາທາລະນະລັດ ຮົງກາຣີ ໃນລະຫວ່າງ ວັນທີ 16-19 ກັນຍາ 2018, ທ່ານ ນາງ ປານີ ຢາທໍ່ຕູ້ ປະທານສະພາແຫ່ງຊາດ ສາທາລະນະລັດ ປະຊາທິປະໄຕ ປະຊາຊົນລາວ ພ້ອມດ້ວຍຄະນະ ໄດ້ດໍາເນີນການຢ້ຽມຢາມສັນຖະວະໄມຕີ ສາທາລະນະລັດ ຮົງກາຣີ ຢ່າງເປັນທາງການ, ເຊິ່ງໃນ ຕອນເຊົ້າວັນທີ 17 ກັນຍາ 2018 ໄດ້ມີການພົບປະສອງຝ່າຍ ເພື່ອປຶກສາຫາລື ເສີມຂະຫຍາຍສາຍພົວພັນ ມິດຕະພາບ ແລະ ການຮ່ວມມືທີ່ມີມາແຕ່ດົນນານ ລະຫວ່າງສອງປະເທດ ກໍຄື ສອງສະພາແຫ່ງຊາດ ສປປ ລາວ ແລະ ສ ຮົງກາຣີ ໃຫ້ມີບາດກ້າວໃໝ່, ເກີດດອກອອກຜົນງອກງາມຍິ່ງຂຶ້ນ. 
 
     ໃນການພົບປະຄັ້ງນີ້, ໄດ້ມີການຕີລາຄາຄືນ ການຮ່ວມມືສອງຝ່າຍ ໃນໄລຍະຜ່ານມາ, ໂດຍສະເພາະ ແມ່ນການແລກປ່ຽນຢ້ຽມຢາມ ຂອງຄະນະຜູ້ແທນຂັ້ນສູງ ຂອງສອງປະເທດ, ຕະຫລອດຮອດ ຄະນະຜູ້ແທນລະດັບຕ່າງໆ ທັງສູນກາງ ແລະ ທ້ອງຖິ່ນ. ສອງຝ່າຍເຫັນວ່າ ຕະຫລອດໄລຍະຜ່ານມາການຮ່ວມມື ຂອງສອງປະເທດ ແມ່ນໄດ້ຮັບການ ພັດທະນາດີຂຶ້ນ ເປັນກ້າວໆ, ຂະແໜງການ ຈໍານວນໜຶ່ງຂອງລາວ ແລະ ຮົງກາຣີ ກໍ່ໄດ້ມີການເຊັນສັນຍາ, ຂໍ້ຕົກລົງ ແລະ ບົດບັນທຶກຄວາມເຂົ້າໃຈວ່າດ້ວຍ ການຮ່ວມມືຫລາຍສະບັບ, ອັນພົ້ນເດັ່ນແມ່ນ ບົດບັນທຶກ ຄວາມເຂົ້າໃຈ ຂອບການຮ່ວມມືໃໝ່ຂອງສອງກະຊວງກະສິກໍາ ເພື່ອການຮ່ວມມື ແລະ ຊ່ວຍເຫລືອພັດທະນາ ລະບົບການຜະລິດ ແລະ ການປັບປຸງຜົນຜະລິດກະສິກໍາ ທີ່ມີຄຸນນະພາບ ແລະ ແບບຄົບວົງຈອນ. ພ້ອມດຽວກັນ, ຍັງມີສັນຍາການຮ່ວມມືດ້ານການສຶກສາ, ບົດບັນທຶກຄວາມເຂົ້າໃຈ ວ່າດ້ວຍການຮ່ວມມື ດ້ານການຄຸ້ມຄອງ ແລະ ບໍາບັດນໍ້າເປື້ອນ ຢູ່ນະຄອນຫລວງວຽງຈັນ ແລະ ອື່ນໆ. 
 
     ໂອກາດນີ້, ທ່ານ ນາງ ປານີ ຢາທໍ່ຕູ້ ກໍໄດ້ສະແດງຄວາມຂອບໃຈ ແລະ ຕີລາຄາສູງຕໍ່ສາທາລະນະລັດ ຮົງກາຣີ ທີ່ຍາມໃດກໍ່ໄດ້ໃຫ້ການຊ່ວຍເຫລືອ ແລະ ສະໜັບສະໜູນແກ່ພາລະກິດສ້າງສາ ພັດທະນາປະເທດຊາດຂອງ ສປປ ລາວ, ພ້ອມທັງໄດ້ສະເໜີໃຫ້ ສະພາແຫ່ງຊາດ ສ ຮົງກາຣີ ລືບຕໍ່ຊຸກຍູ້ໃຫ້ລັດຖະບານຂອງສອງປະເທດ ໃນການຈັດຕັ້ງປະຕິບັດ ບັນດາສັນຍາ ແລະ ໂຄງການຮ່ວມມືຕ່າງໆ, ລວມທັງຂະແໜງການອື່ນໆ ທີ່ມີທ່າແຮງໃນການຮ່ວມມື ເຊັ່ນ: ດ້ານການຄ້າ-ການລົງ ທຶນ, ດ້ານກະສິກໍາ, ການສຶກສາ, ວຽກງານການຕ່າງປະເທດ ແລະ ອື່ນໆ ຕື່ມອີກ. 
 
     ໃນວັນດຽວກັນ, ປະທານສະພາແຫ່ງຊາດລາວ ພ້ອມດ້ວຍຄະນະ ຍັງໄດ້ພົບປະກັບທ່ານ ແລວັນແຕ ມາກຢໍ ຮອງລັດຖະມົນຕີ ກະຊວງການຕ່າງປະເທດ ແລະ ການຄ້າ ສ ຮົງກາຣີ ເພື່ອປຶກສາຫາລື ຊຸກຍູ້ສົ່ງເສີມການຮ່ວມມື ດ້ານການຄ້າ ແລະ ວຽກງານການຕ່າງປະເທດ ຂອງສອງປະເທດ ເຊິ່ງກະຊວງການຕ່າງປະເທດ ແຫ່ງ ສປປ ລາວ ແລະ ກະຊວງການ ຕ່າງປະເທດແຫ່ງ ສ ຮົງກາຣີ ກໍໄດ້ມີບົດບັນທຶກຄວາມເຂົ້າໃຈ ກ່ຽວກັບການປຶກສາຫາລື ແລະ ການຮ່ວມມື ລະຫວ່າງສອງກະຊວງ. ພ້ອມດຽວກັນນີ້, ທ່ານນາງ ປານີ ຢາທໍ່ຕູ້ ພ້ອມດ້ວຍຄະນະ ຍັງໄດ້ພົບປະກັບ ທ່ານ ໂຊນ ແຟນເດີມັນ ຮອງລັດຖະມົນຕີ ກະຊວງກະສິກໍາ ສ ຮົງກາຣີ, ຢ້ຽມຢາມຕະຫລາດໃນກາງເມືອງ ແລະ ສະຖານທີ່ທ່ອງທ່ຽວສໍາຄັນ ຢູ່ນະຄອນຫລວງບູດາແປສ ຂອງ ສ ຮົງກາຣີ ຕື່ມອີກ.

ບົດຂ່າວອື່ນໆທີ່ກ່ຽວຂ້ອງ

a
ແຈ້ງການ
  1. ແຈ້ງການ1
  2. ແຈ້ງການ2
aaa

Contact Us

Embassy/Permanent Mission of the LAO People's Democratic Republic in Vienna-Austria

Sommerhaidenweg43,

1180 Wien

Tel: 0043 1890231911

Fax: 0043 1890231915

Working Hours:

Monday-Thursday

09:00 am-12:00 pm

14:00 pm- 16:30 pm

Friday: 09:00am-12:00pm

E-mail: This email address is being protected from spambots. You need JavaScript enabled to view it.

 

Lao Government
40 years
70 years
a
ຈຳນວນຜູ້ເຂົ້າຊົມ
83748
ມື້ນີ້35
ມື້ວານ154
ອາທິດນີ້902
ເດືອນນີ້2805